Македонскиот напаѓач кој досега играше за шкотскиот Абердин, Бојан Миовски го комплетира трансферот во Жирона, а шпанскиот клуб на интересен начин го најави новото засилување.

По одличните изданија во Шкотска, Миовски направи мега трансфер во Жирона со која ќе настапува и во Лигата на шампионите.

„25-годишниот напаѓач, Бојан Миовски ќе го засили нападот на Жирона. Македонскиот офанзивец потпиша четиригодишен договор со трајност до јуни 2028 година откако беше постигнат договор со Абердин. Миовски кој веќе ги помина медицинските прегледи од утре ќе се приклучи на тренинзите на тимот“, стои во соопштението на Жирона.

Жирона пред да ја објави веста за трансферот на Миовски, објави видео со овошна салата која во Шпанија е позната под името „Македонија“.