(ВИДЕО) Реал дури во финишот го дотолчи Ваљадолид

Конечниот резултат можеби не е реален одраз на она што се случуваше на теренот бидејќи трите гола Реал ги постигна во второто полувреме, а до 88. минута беше 1-0. Отпорот на повратникот во елитата го скрши Валверде од слободен удар, за во финишот мрежата на противникот да ја затресат резервните фудбалери Брахим Дијаз и Ендрик во 95 мин. за конечни 3-0.

Интересно е тоа што Килијан Мбапе и во вториот натпревар не успеа да се запише во листата на стрелците и покрај тоа што на теренот помина 86. минути. Пред него првиот гол во дресот на Реал го постигна тинејџерот Ендрик кој влезе во игра на местото на  Французинот.