Денес ВАР технологијата во Шпанија имаше уште една своја срамна епизода.

Ла Керамика луто протестираше поради контроверзната игра со рака на Пике. Дефанзивецот на Барса со рака го изблокира ударот на Данџума. Судијата не сигнализираше ништо, а не интервенираше ниту ВАР. Ова создаде непријатност на трибините на стадионот на Подморницата. Виљареал го крена за судењето на натпреварот . Особено Пау Торес.

Роиг Негуеролес, извршниот директор на Виљареал, го покажа својот гнев во претсобјето на Ла Керамика. „Неразбирливо е да не му се досудуваат рацете на Пике. ВАР постои за овие работи. Требаше да биде пенал“, рече Роиг Негуеролес на микрофоните на Movistar LaLiga на полувремето Виљареал-Барселона.

Навивачите на Виљареал, по нереагирањето на ВАР на спорната игра, гневот го покажаа  и со свирежи го испратија Сото Градо на полувремето.

Од своја страна, Пау Торес исто така беше критичен. „Судијата ми кажа дека тоа е можен пенал. Тоа го виде многу јасно. Ние сме единствениот тим на кој не му е досуден пенал во корист а Барса е единствената на која не и е досуден пенал против. Ова е невозможно“, изјави Пау.

Покрај тоа на Виљареал не му беше досуден уште еден очигледен пенал кога Ерик Гарсија со две раце го влечеше Раул Албиол кој имаше празен гол пред него .