На Европското првенство во ракомет може да настапуваат само играчи кои прележале Ковид-19 или се вакцинирани двапати.

Од 13 до 30 јануари 2022 година, Европското првенство во ракомет ќе се одржи во Унгарија и Словачка.
Ждрепката ја смести Mакедонија во силната група Б, во која се и Данска, Словенија и Црна Гора.

Во второто коло од натпреварувањето ќе се пласираат двете првопласирани селекции од групата, по што ќе се формираат две групи од по шест репрезентации од кои ќе се добијат полуфиналистите на ЕП.

Резултатите од натпреварите и составите на тимовите во голема мера ќе зависат од коронавирусот. Имено, Европската ракометна федерација (ЕХФ), со оглед на тоа што првенството се одржува во пандемиски околности, утврди дека на првенството имаат право на учество само играчи кои го прележале Ковид-19 или биле двапати вакцинирани.

Најавено е и ПЦР тестирање да се прави секој втор ден. Ако се открие инфекција на еден играч, целиот тим мора да биде изолиран.