(ВИДЕО) Ќамили двоен стрелец за Сондерјиске против лидерот Митјиланд, Митровски со гол за Вараждин

Македонскиот репрезентативец Лирим Ќамили е херој на тимот на неговиот тим Сондерјиске, во дуелот со Митјиланд.

Тимот на Сондерјиске триумфираше со 3-2 против тимот кој до ова коло беше лидер на табелата во данското првенство, а сега е израмнет со Брондби. Тоа е само трет триумф на екипата во која настапува Ќамили, а нашиот фудбалер стигна до вкупно пет гола во шампионатот.

https://twitter.com/i/status/1848049403807842444

Тој ги постигна првите два голови на натпреварот, првиот во 41., а вториот во 51. минута. Натпреварот, сепак, беше драматичен до крај бидејќи Митјиланд два пати се врати во игра, но не успеа да стигне барем до бод.

Димитар Митровски учествуваше со гол за Вараждин во победата од 2-1 против Горица. Тој погоди во 19. минута за водство од 1-0, по што Мамиќ го постигна вториот гол за Вараждин.