Караорман се зацементира на врвот на табелата по победата во Битола

Караорман сезонава продолжува со сигурните игри во третата македонска фудбалска лига.

На гостувањето кај главниот конкурент за првото место Црно Буки славеше со 2:3 и останува осамен на врвот од табелата, место кое води до промоција во еден ранг погоре а тоа е Втората Македонска фудбалска лига.

Стружани уште во 12. минута од мечот го отворија резултатот за водство од 0:1, а погодокот го постигна Илија Далчески.

Во второто полувреме 50. минута Ѓорѓиески зголеми на 0:2. Шест минути подоцна Благоја Наумоски намали на 1:2 и ги врати надежите на домашните дека ќе останат непоразени.

Никола Димов стрелаше за 1:3 за зголемување на предноста а до крајот домаќините само го ублажија поразот и намалија на 2:3.

По натпреварот со изјава искусниот напаѓач на Караорман, Климе Далчески:

“Ова беше дерби натпревар кој во голема мера одлучува за конечниот распоред на табелта. Задоволен сум што ја остваривме целта и триумфиравме на ова тешко гостување. Непотребно примивме гол при крајот на мечот и се појави нервоза кај играчите, но успеавме да го задржиме водството.

Сакам да им се заблагодарам на домаќините на коректниот пречек, а посебна благодарност упатувам до струшката публика која допатува специјално да не поддржат и секако до најверните и најлојални “Паткари” кои не бодреа цел натпревар.” –  изјави Далчески.

“Во недела играме уште еден тежок меч против екипата на Македонија Враништа и очекувам голема посетенот и поддршка од трибините. Моите очекувања се дека ќе славиме и ќе презимиме на првата позиција на крајот од есенската полусезона.” – дополни Далчески