Фудбалерите на Тотенхем го елиминираа Манчестер сити во осминафиналето од Лига купот славејќи победа од 2-1.

Сите голови на натпреварот беа постигнати во првите 45 минути. Вернер ја најави победата со голот по пет минтуи игра.

„Петлите“ беа во одличен налет и успеаја да ја удвојат предноста, а стрелец беше Пепе Мата Сар во 25. минута. Двата гола беа креирани од охриѓанецот Кулушевски. До крајот на полувремето Сити се врати во игра со голот на Матеус Нуњес, но тоа беше сѐ што стори четата на Пеп Гвардиола и тој резултат од 2-1 на крајот се покажа како конечен.

 

Манчестер Јунајтед одигра блескав натпревар против Лестер и победи на „Олд Трафорд“ со 5-2, во првиот меч по отказот за Ерик тен Хаг. Кашемиро постигна прекрасен гол и беше двоен стрелец на дуелот, исто како и Бруно Фернандеш, а погоди и Алехандро Гарначо.

Њукасл го победи Челси со 2-0, со голот на Александер Исак и автоголот на Дисаси, а Арсенал славеше против Престон со 0-3, со головите на Габриел Жесус, Нванери и на Каи Хаверц.

Астон Вила е елиминирана од Лига купот откако загуби дома со 1-2 од Кристал Палас. Даиши Камада беше двоен стрелец за гостите.

Ливерпул со 2-3 на гости го совлада Брајтон. Коди Гакпо беше двоен стрелец, а погоди и Луис Дијаз.