(ВИДЕО) Лесна победа на Баерн над Унион Берлин, Ајнтрахт немаше милост за Бохум

Екипата на Баерн Минхен со убедливи 3-0 го победи Унион Берлин, Хари Кејн одигра уште еден маестрален меч. Ајнтрахт Франкфурт со фантастични 7-2 го торпедира Бохум.

Баварците го држат врвот во Бундеслигата, овојпат жртва беше тимот на Унион Берлин.

Хари Кејн повторно беше играч на мечот, даде два гола, а имаше и една асистенција при голот на Коман. Конечниот резултат беше 3-0.

Бохум ќе има исклучително тешка задача да избори опстанок во Бундеслигата, денеска примија дури седум голови на гостувањето кај Ајнтрахг Франкфурт. Домаќинот немаше милост за нив.

https://twitter.com/i/status/1852724017918071263 https://twitter.com/i/status/1852731614255522105

https://twitter.com/i/status/1852738290589352125

Ајнтрахт Франкфурт му нанесе вистинска катастрофа на Бохум и победи со 7-2, и оствари една од најголемите победи во својата историја.

На паузата домаќинот водеше со убедливи 4-1, а во вториот дел продолжи да го меле ривалот и на крајот извојува важна победа со која се искачува на третата позиција на табелата. Хуго Екитике двапати се запиша во листата на стрелците, а голови постигнаа Мармуш, Кнауф, Браун, Дахуд и Узун.

На останатите натпревари во истиот термин, Сент Паули го изненади Хофенхајм и славеше со 0-2, Холштајн Кил со 1-0 го совлада Хајденхајм, додека Волфсбург и Аугзбург ги поделија бодовите во ремито 1-1.