Баерн Минхен доминираше на гости кај Сент Паули, сепак натпреварот го одлучи само еден гол.
Џамал Мусиала ја погоди мрежата на домаќините во 22 минута со спектакуларен гол и тој погодок се покажа како доволен Баерн да ги освои трите бода. Домашниот тим беше целосно инфериорен и не упати ниту еден удар во рамките од голот, додека Баерн пропушти уште неколку добри прилики за поубедлива победа.
Актуелниот шампион Баер Леверкузен испушти победа во завршницата од натпреварот на гости кај Бохум (1-1). Патрик Шик ги доведе избраниците на Чаби Алонсо во водство во 18. минута. Се играше 89. минута кога Мијоши ја погоди мрежата на гостите и така донесе бод за својот тим.
Мајнц на свој терен ја изненади Борусија Дортмунд победувајќи ја со 3:1. Ли Јае-Сунг, Буркард и Небел погодија за домаќините, додека единствениот гол за гостите го постигна Гираси. Влијание на поразот на Борусија сигурно имаше и црвениот картон на Емре Џан во 27. минута.
Во Бремен Вердер со 2-1 беше подобар од Кил.
На табелата Баерн има 26 бода, додека Лајпциг со натпревар помалку е на 20. Тимот на Елмас денеска од 18:30 часот на свој терен има дуел со Борусија Менхгладбах.
