Фудбалерите на Бенфика триумфираа со убедлива победа во големото португалско дерби против Порто со 4-1 (1-1).

Резултатот на „Да Луж“ го отвори Карерас, а Саму Омородион израмни на 1-1 пред полувремето. Анхел Ди Марија во 56. минута ја врати предноста (2-1), а потоа Перез си даде автогол за 3-1. Точка на победата стави повторно аргентинскиот ветеран Ди Марија кој од белата точка го постави конечниот резултат.

Рубен Аморим се прости од Спортинг со драматична победа, откако се врати од 2-0 до 2-4 на гости кај Брага.

Головите од натпреварот  Брага и Спортинг ќе ги видите на ОВОЈ линк

Спортинг е водечки во Португалија со 33 бода, шест помалку има Порто, додека Бенфика дојде на 25.

Португалскиот стратег, Рубен Аморим, синоќа за последен пат го предводеше Спортинг од клупата, а на збогувањето со клубот во кој се етаблираше како тренер забележа победа над Брага (4-2), по лудиот пресврт во вториот дел.

Спортинг до овој натпревар имаше нереален настап во сите натпреварувања, десет последователни победи во домашната лига и десет од максималните 12 бода во Лигата на шампионите, што беше доволен мотив за Брага, каде што работеше новиот тренер на Манчестер Јунајтед пред да се пресели во Лисабон. Домаќинот со двата гола на Рикардо Хорта обезбеду убедливо водство во првиот дел и најави можен крај на серијата на Спортинг. Но, Морита во 58. минута го намали водството на Брага, а холандскиот играч за врска Хјулманд во 82. минута постигна одличен гол за израмнување. Седум минути подоцна, по прецизниот удар од далечина на Хардер, Спортинг направи целосен пресврт, а победата за збогување со поранешниот тренер ја потврди Тринкао во судиското надополнување.

Аморим требаше да почне со работа во таборот на „ѓаволите“, но тоа нема да се случи. Причина е доцнењето со процедурата за добивање работна виза, поради што Португалецот ќе почека неколку дена пред да се пресели во Англија. До тогаш, со фудбалерите на Јунајтед ќе продолжи да работи Руд ван Нистелрој.