Актуелниот освојувач на Купот на Германија, екипата на Баер Леверкузен, го елиминира големиот Баерн Минхен. „Фармацевтите“триумфираа со 0-1 на гости на „Алијанц арена“ во Минхен и продолжуваат со одбрана на трофејот.

„Фармацевтите“ од Леверкузен имаа незгодно гостување во осминафиналето на купот, но постигнаа злато вреден гол гол во вториот дел со кој си обезбедија пласман во следната рунда.

Голманот на Баерн, Нојер го доби првиот црвен картон во кариерата по стартот надвор од шеснаесетникот во 17. минута па беше исклучен, со што Баварците до крајот играа со фудбалер помалку. Баер Леверкузен профитираше од исклучувањето на Мануел Нојер и со голема победа го елиминира Баерн Минхен во германскиот Куп.

Баварците имаа шанси, но не ги реализираа, додека Баер го постигна единствениот гол преку Тела во 69. минута, за голема победа од 0:1 и пласман во следна рунда на купот.

Екипата на Вердер Бремен го совлада Дармштат со 1-0, а Штутгарт со 0-3 триумфираше против Регенсбург.