Данска повторно го освои мундијалското злато, и останува неподлива светска ракометна велесила. Данските ракометари на четири светски првенства по ред ја освојуваат титулата првак на светот. Избранците на Николај Јакобсен ги мелеа своите противници до финалето, а и тука немаше посериозен отпор во пресметката со Хрватска.

Финалето во Осло беше рамноправно само до 20-та минута од натпреварот, а од тој момент, Данците ги преземааработите во свои раце, наметнаа неверојатно темпо на кое Хрватите не можеа да парираат.

Хрватските ракометари не се откажуваа во ниту еден момент, но сепак јасно беше дека Хрватска е само една од селекциите кои не и се дораснати на скандинавската машина Данска, па на стартот на вториот дел, после пет нминути резултатот беше десет голови разлика, 24:14.

Данска го намали темпото и му дозволи на ривалот да се избори за чесни 32:26, резултат со кој скандинавците стигнаа до четвртиот златен медал по ред на Светските првенства.

Феноменалниот Гидсел со 10 голови уште еднаш ја покажа својата светска класа, а одличен беше и голманот Нилсен со 13 одбрани. Мартиновиќ беше најефикасен кај Хрватска со шест голови, а Шоштариќ постигна пет голови.