Шпанија : Аргентина. Со овој дуел стартува Светското првенство во ракомет во женска конкуренција

Денеска и официјално стартува Светското ракометно првенство во женска конкуренција, кое се игра во Шпанија од 1 до 19 декември. Бранител на титулата е холандската репрезентација, која пред две години го дигна пехарот. Во првата фаза актуелниот светски првак силите ќе ги одмери со Шведска, Порторико и Узбекистан.

За првпат на овој Мундијал ќе се натпреваруваат 32 селекции, тимовите се поделени во осум групи со по четири учесници, пласман во следната фаза ќе обезбедат првопласираните три.