Хрватска се пласира во финалето на Дејвис купот откако беше поуспешна од Србија со 2:1 .
Решавачкиот бод на Хрватите им го донесе најдобриот светски двојник Мате Павиќ-Никола Мектиќ, кој со 7:5, 6:1 ги победи Новак Ѓоковиќ и Филип Крајиновиќ.
Србија остана без шанса да се бори за втората титула во натпреварувањето, по освоената во 2010 година.
Од друга страна, Хрватска и се реваншираше на Србија за поразите во Сплит во 2010 година и Краљево во 2015 година и со тоа доби шанса повторно да стигне до трофејот по 2005 и 2018 година.
Од стартот на дуелот Хрватите беа тие кои лесно добиваа гемови на свој сервис.
Српскиот тандем успеа да спаси дури четири брејк топки во вториот гем, но Ѓоковиќ добро сервираше кога беше најпотребно и беа избегнати проблеми.
Крајиновиќ по нешто помирен период наиде на непријатности на сервис, поточно на една брејк топка која ја одбрани со добар бекхенд.
Се чинеше дека првиот сет ќе биде решен по тај-брејкот, но во 11. гем на сервис на Крајинович при 30:0 – Хрватите врзаа четири поени и на крајот го пробија српскиот дубл на мрежата, за освојување на првиот сет. по 46 минути.
По мирниот старт на вториот сет, Хрватска стигна до брејк во четвртиот гем, што практично значеше победа.
До крајот на натпреварот направија уште еден и на убедлив начин стигнаа до вкупната победа од 7:5, 6:1.
Претходно денеска можеби решавачкиот дуел го одиграа Душан Лајовиќ и Борна Гојо, а победата ја однесе 279. играч на планетата со резултат 4:6, 6:3, 6:2.
Следуваше 20-та пресметка меѓу Новак Ѓоковиќ и Марин Чилиќ, а српскиот ас ја постигна 18-та победа со резултат 6:4, 6:2.
Хрватска во финалето на Дејвис купот ќе игра против подобриот од дуелот меѓу Германија и Русија, кој ќе се сретнат в сабота.
