Најдобрата светска тенисерка Ига Свјонтек е елиминирана во четвртфиналето во Варшава, турнир од серијата 250.
На нејзин терен подобра беше Французинката Каролин Гарсија (6:1, 1:6, 6:4), по два часа и 19 минути игра.
До Вимблдон, Свјонтек беше во голема победничка серија, но сепак беше поразена од Ализ Корне во Лондон.
Сега по неа повторно беше фатална тенисерка од Франција .
Свјонтек оваа сезона освои дури шест титули, вклучувајќи го и Ролан Гарос.
Што се однесува до Гарсија, нејзин следен ривал ќе биде Јасмин Паолини.
