Манчестер Сити го искористи киксот на Челзи и го презеде првото место на табелата

Фудбалерите на Манчестер Сити  ја презедоа лидерската позиција во Премиер лигата по поразот на Челзи. Во последниот натпревар од денешната програма во англискиот шампионат „граѓаните“ одиграа одличен дуел против Вотфорд и со рутински 1-3 (0-2) го впишаа дванаесетиот триумф во новата сезона.

На додавање на Фоден, Стерлинг погоди за 0-1. Пред крајот на полувремето, Бернардо Силва погоди за комотни 0-2 за Сити.

Во вториот дел Раниери со неколку замени проба да внесе свежина во својот тим, но Силва со нов погодок стави точна на натпреварот. Конечните 1-3 ги постави Хернандез во 78. минута.