Мертенс: Елмас е многу силен. Јас, Кулибали и Инсиње го мотивираме цело време

Наполи оваа сезона се обидува сериозно да се вмеша во трката за титулата во Серија А. Победата над Милан беше од големо значење, но допрва ќе се види колку сила има овој тим на Спалети.

Мертенс во изјава за медиумите во Италија, објасни на што се должи одличната форма во која игра Елиф Елмас.

“Многу му верувам на Елмас, но понекогаш мора да го разбудам бидејќи знае да „заспие“. Кога знаете колку е силен, мора да се потрудите да го разбудите, треба постојано да биде буден. Јас го правам тоа и оваа година тој е многу добар, исто и тренерот има голема верба во него, а тоа му дава самодоверба. Но, не сум задолжен само јас да го будам. Тука се и Кулибали и Инсиње кои го прават истото со Елмас, но тоа е наша должност како искусни фудбалери.“ – вели Мертенс.