Португалскиот репрезентативец Кристијано Роналдо е најпопуларниот фудбалер во светот и идол на многу млади играчи, а во претходните денови доби нова статуа која беше поставена во Индија и може да се забележи дека е поубава од таа во Мадеира.

Статуата е поставена во Индија и чини околу 12.000 фунти, а тешка е 400 кг, по што министерот на сојузната држава Гоа соопшти дека таа е поставена како мотивација помладите да го развиваат фудбалот на повисоко ниво.

„Поради љубовта кон фудбалот и барање на нашите млади фудбалери поставивме статуа на Роналдо во парк за да ги инспирираме младите фудбалери да го кренат фудбалот на повисоко ниво“, кажа министерот Мајкл Лобо.

Сепак, има и такви кои го критикуваат потегот на локалната власт затоа што сметаат дека статуа требало да биде поставена од некој индиски фудбалер, а не од Роналдо.

Сојузната држава Гоа се наоѓа во западниот дел на Индија и во минатото била португалска колонија.