Хрвоје Хорват го објави списокот од 18 играчи за ЕП

Селекторот на хрватската ракометна репрезентација Хрвоје Хорват го објави списокот од 18 играчи на кои смета на последните подготовки и на Европското првенство кое од 13 до 30 јануари е закажано во Унгарија и Словачка .

Дилеми повеќе нема, Хрвоје Хорват ги откри картите и објави со кои играчи патува на ЕП. Според најавите, има значителни промени во репрезентацијата, некои повозрасни играчи ги немаше ниту на поширокиот список, некои се само во резервен статус, а Хорват на ова евро се врти кон помладите сили.

Хорват на списокот го немаше Кристијан Пилиповиќ, кој нема право на настап до 20 јануари, па Хорват во Унгарија ги носи Мате Шунјиќ, Иван Пешиќ и Матеј Мандиќ.

На списокот го нема и Верон Начиновиќ поради веќе познати проблеми со вакцинација, Начиновиќ го победи коронавирусот и се вакцинираше со една доза, а за учество на ЕП потребни се две дози вакцина, па наместо тоа на списокот се најде Никола Граховац.

Во третата фаза од подготовките се приклучуваат Иван Пешиќ, Домагој Дувњак, Марко Мамиќ и Иван Мартиновиќ, но не и Шиме Ивиќ и Марино Мариќ кои се меѓу резервите.

Покрај Ивиќ и Мариќ меѓу резервите се и Марин Шего, Игор Карачиќ и Тин Лучин, кои потврдија дека се подготвени да се приклучат доколку е потребно. На списокот се најде и ракометарот на Вардат , Анте Гаџа додека Матео Мараш и Јосип Божиќ Павлетиќ од Еурофарм Пелистер иако беа на поширокиот список нема да патуваат на ЕП.

По завршните подготовки во Осиек, кои почнуваат на новогодишната ноќ и траат до 11 јануари, селекторот ќе одлучи кои 16 играчи ќе се пријават за првата рунда од натпреварувањето.

Список на играчи:

ИВАН ПЕШИЌ – ТВБ ШТУТГАРТ
МАТЕ ШУНЈИЌ – ИВРИ
МАТЕЈ МАНДИЌ – РК ППД ЗАГРЕБ
ДАВИД МАНДИЌ – РК ППД ЗАГРЕБ
ЛОВРО МИХИЌ – ОРЛЕН ВИСЛА ПЛОК
ИВАН ЧУПИЌ -РК ППД ЗАГРЕБ
ФИЛИП ГЛАВАШ – ХЦ ТРИМО ТРЕБЊЕ
ЛЕОН ШУШЊА – ОРЛЕН ВИСЛА ПЛОК
МАРИН ШИПИЌ – РК ППД ЗАГРЕБ
НИКОЛА ГРАХОВАЦ – РК ППД ЗАГРЕБ
ДОМАГОЈ ДУВЊАК – ТХВ КИЛ
ЛУКА ЦИНДРИЌ – БАРСА
ХАЛИЛ ЈАГАЊАЦ – РК НЕКСЕ
ЗВОНИМИР СРНА – РК ППД ЗАГРЕБ
МАРКО МАМИЌ – СЦ ДФХК ЛАЈПЦИГ
АНТЕ ГАЖА – ВАРДАР
ИВАН МАРТИНОВИЌ – ТСВ ХАНОВЕР – БУРГДОРФ
ЛУКА ШЕБЕТИЌ – МОТОР