Хрватскиот тренер Нико Ковач доби отказ во Монако. Веста за отказот прв ја соопшти Лоик Танзи, новинар од RMC, а истото го тврди и угледниот L’Equipe.
Новинарите во Франција забележуваат дека ова е трет отказ во Лига 1, откако претходно беа отпуштени Клод Пуел од Сент Етјен и Лоран Батл од Троа.
Најпознатиот француски весник „Л’Екип“ вчера објави дека иднината на Ковач во Монако е многу сомнителна и ги наведе причините, а навивачкиот портал на Баерн „Bavara Football Works“ објави дека хрватскиот тренер се соочува со истите проблеми што ги имал во германскиот гигант.
“Според L’Equip, Ковач е критикуван од играчите за наметнување воен режим и давање збунувачки тактички наредби. Раководството на клубот чувствува дека тој ја изгубил соблекувалната”, велат тие на оваа страница. истите проблеми.
Ковач го предводеше Монако во 74 натпревари, во кои оствари 43 победи, 15 нерешени и 16 порази. Минатата сезона го одведе тимот до финалето на Купот на Франција, каде загуби од ПСЖ (2:0), додека во првенството го освои третото место и го предводеше клубот до квалификациите за Лигата на шампионите.
Сепак, тој не успеа да се пласира во најелитното натпреварување, па по драматичното испаѓање од Шахтјор во плеј-офот, заврши во Лигата на Европа, каде го освои првото место во групата пред Реал Сосиедад, ПСВ и Штурм, со што стигна до осминафинале.
Монако остана на шестото место во Лига 1, со четири бода помалку од местото кое води во Лигата на шампионите следната сезона. На последните шест натпревари во сите конкуренции забележа четири победи, едно реми и еден пораз.
