Според српската телевизија Пинк, најдобриот светски тенисер, Новак Ѓоковиќ, во моментов е во фаза на депортација од Австралија и покрај одлуката на федералниот суд да ја усвои неговата жалба за поништување на влезната виза.

Причина за ваквото непочитување на судска одлука е фактот што по австралиските закони, министерот има дискреционо право да укине било чија виза, без да даде образложение. Според српскиот политолог Нина Марковиќ, Србинот во моментов повторно е приведен од полицијата и чека да биде вратен назад на дестинацијата од која допатувал во Мелбурн.

Дали е ова само нова епизода од сагата или пак конечна разрешница, допрва ќе се види.