Новак Ѓоковиќ со денови е главна тема во Австралија, но и една од главните спортски теми во светот воопшто. Неговиот спор со австралиските власти го покриваат сите светски медиуми, а на една австралиска телевизија се случи голем гаф.
Водителките на емисијата на австралискиот Канал 7, очигледно несвесни дека ги снимаат камерите, го озборуваат и навредуваат Ѓоковиќ, а снимката брзо стана вирална на социјалните мрежи.
„Ѓоковиќ е лажлив, подмолен серко. Кога ќе погледнете, жално е што сите се вклучија”.
„Тој лаже дека не отишол во Шпанија… На крај, ќе се извлече. Што добиваме од тоа што го ставаме во имиграциски камп? Што е со луѓето кои беа во истиот авион, и што е со тој тенисерката што ја депортираа?“
Снимањето запира тука, но не треба да се чуди ако остатокот од разговорот наскоро се појави во јавноста.
