Фудбалерите на Атлетик Билбао се пласираа во финалето на Купот на Шпанија.
Беа подобри од Атлетико Мадрид со 1:2.
Натпреварот можеше да оди и во друга насока по автоголот на голманот на баскискиот тим Унаи Симон.
Во 62. минута кога Лемар изведе корнер, највисок во скокот беше Феликс, но неговиот удар заврши во стативата , топката несреќно се одби и од грбот на репрезентативниот голман на Шпанија влезе во голот.
Радоста на „јорганџиите“ траеше цели 15 минути, а потоа следеа корнерите на противникот.
Во 77. минута капитенот на гостите Икер Муниан нафрли на првата статива каде највисок беше Јерај Алварез, а само четири минути подоцна Нико Вилијамс повторно по корнер со прецизен удар донесе целосен пресврт и го постави конечниот резултат.
https://www.youtube.com/watch?v=6g8Bt1NZL8g
Билбао во финалето ќе игра со Реал, кој беше подобар од Барселона со 3:2 по продолженијата.
