Селекторот на Бразил, Тите го објави списокот на фудбалерите за двете средби во квалификациите за Светското првенство (СП), а на него ги нема Нејмар и дефанзивецот Ренан Лоди, кој не е вакциниран против ковид-19.

Директорот на тимот, Жунињо кажа дека Лоди не би можел да влезе во Еквадор за натпреварот на 27 јануари и поради тоа испаднал од списокот.

Тите, исто така, не може да смета на Нејмар кој во моментов е во процес на рехабилитација по повредата на скочниот зглоб на крајот на ноември.

Во меѓувреме, ФИФА треба да донесе одлука за епилогот од прекинатиот натпревар меѓу Бразил и Аргентина во Сао Паоло на почетокот на септември.