По сагата во Мелбурн и недобивањето дозвола за настап на Австралија опен, Новак Ѓоковиќ би можел да биде во нови неволји бидејќи слично се подготвува и на Ролан Гарос …
Сите спортисти кои ќе дојдат во Франција за да учествуваат на натпревар, како што е неодамнешниот рагби турнир „Шест нации“, ќе мора да се вакцинираат, објави во понеделникот Франс прес, цитирајќи владини извори.
Ден откако беше одлучено дека првиот светски тенисер Новак Ѓоковиќ мора да ја напушти Австралија бидејќи не бил вакциниран, француската влада објави дека сертификатот за КОВИД ќе биде задолжителен не само за аматерите и професионалните спортисти во Франција, туку и за странските спортисти кои доаѓаат во Франција.
Францускиот закон за сертификат за вакцинација усвоен од парламентот во неделата ќе бара сертификат за вакцинација за влез на јавни места како ресторани, кафулиња, кина и меѓуградски возови.
„Законот за сертификатот за вакцинација ќе важи за секој што е гледач или професионален спортист. До дополнително известување. Што се однесува до Ролан Гарос, тоа е во мај и може ситууацијата да се промени дотогаш . Ќе видиме, но очигледно нема исклучоци“, соопшти француското Министерство за спорт.
