Миомир Кецмановиќ ја израдува Србија на Австралија опен, кога на првиот гренслем сезонава не игра Новак Ѓоковиќ откако беше депортиран пред стартот на турнирот, па младиот српски тенисер денеска обезбеди осминафинале и закажа пресметка за пласман меѓу осумте најдобри со Гаел Монфилс во Мелбурн.

После скоро три и пол часа, Кецмановиќ во четири сета го победи Лоренцо Сонега со 6-4, 6-7, 6-2, 7-5 за да ги продолжи настапите на терените во Мелбурн, а имаше дури 11 спасени брејк-топки од вкупно 13, а до триумфот успеа да дојде со само два аса и неверојатно 20 винери помалку од противникот. Но, пресудија 50-те неизнудени грешки на италијанскиот тенисер.

Монфилс во три сета го „исчисти“ Чилеанецот Кристијан Гарин со 7-6, 6-1, 6-3, а победи и Денис Шаповалов во четири сета против Рајли Опелка со 7-6, 4-6, 6-3, 6-4.

На женскиот дел од турнирот Викторија Азаренка ја збриша Елена Свитолина препуштајќи и само два гема во двата сета (6-0, 6-2), а пласман во следната рунда обезбедија и Пегула, Крејчикова, Бадоса, Сакари и Кејс.