Ватерполистите на Југ Адриатик осигурување и сплитски Јадран забележаа победи во натпреварите од 10. и 11. коло од регионалната лига .
Третата победа ја забележаа ватерполистите на Југ Адриатик осигурување на вториот турнир од Премиер регионалната ватерполо лига што се играше во Белград. Во единаесеттото коло тие беа подобри од Црвена звезда со резултат 17:12.
Најефикасен кај победниците беше Алекс Папанастасиу со дури седум гола, пет постигна Маро Јоковиќ, два Лорен Фатовиќ, а Филип Кржиќ, Стелио Аргиропулос и Хрвоје Бениќ по еднаш ја испратија топката во мрежата на Белградскиот тим. Тони Поповиќ имаше 12 одбрани.Кај Звезда по два гола постигнаа Стефан Пјешивац, Иван Басара, Милош Вукичевиќ и Марко Радовиќ.
Ова беше осма победа на Југ во регионалниот дел од натпреварувањето досега, со што дојде до врвот на табелата, додека Звезда го забележа третиот пораз.
Бодови освои и Јадран кој го совлада Партизан со 16:9.
Сплитскиот тим беше повеќе од убедлив против Партизан. Јадран реши се во првите две четвртини, по што водеа со 11:3.
Јадран до победата го предводеа Јерко Мариниќ Крагиќ и Лука Букиќ со по три гола, додека на другата страна Александар Брант Бовен постигна три гола.
Претходно денеска ватерполистите на Нов Белград го совладаа Соларис од Шибеник со 14:8, Раднички од Крагуевац го совлада загрепски Младост со 15:13, додека Шабац славеше против сплитски Морнар со 16:10.
На табелата води Југ АО со 24 бодови, следи Нов Белград со 22, Раднички со 21, Јадран Сплит со 19, Јадран ХН со 16, Црвена Звезда со 15, Партизан со 12, Приморац со 10, Шабац со девет, Младост со девет. , Соларис има седум, Морнар еден, а Будва нема бодови.
Третиот турнир ќе се игра од 18 до 20 февруари во Крагуевац и Загреб.
