Австралјаните со грчки корени Ник Киргиос и Танаси Кокинакис се пласираа во финалето во двојки на Австралија опен откако ги победија третите носители, шпанско-аргентинска комбинација Марсело Гранољерс и Хорасио Зебаљос, во полуфиналниот меч со 7:6, 6:4.
Во финалето ќе се обидат да стигнат до титулата против сонародниците Метју Ебден и Макс Персел. Тоа ќе биде прво целосно австралиско финале од 1980 година кога Ким Ворвик и Марк Едмондсон ги победија Питер Мекнамаро и Пол Мекнеми.
Колку победата и пласманот во финалето им значеше на играчите кои ја воодушевуваат публиката со својата неконвенционална и по малку дива игра, најдобро докажуваат сцените на лудо славје по мечот.
