Маурисио Покетино по завршувањето на оваа сезона ќе го напушти ПСЖ, а негова следна дестинација најверојатно ќе биде Манчестер јунајтед, објавува „Телефут“.

Наводно, ѕвездите на премиерлигашот сакаат токму Аргентинецот да го води тимот од следната сезона. Ралф Рангник ќе се повлече од менаџирањето и ќе ја преземе функцијата на советник во клубот.

Покетино има голема желба да се врати во Премиерлигата, каде работеше во Саутемптон и Тотенхем. Договорот со ПСЖ му истекува во јуни 2023 година, но Французите ќе го раскинат една година порано, бидејќи тие веќе преговараат со Зинедин Зидан.