Големото дерби меѓу Финска и Шведска во групата Ц заврши со пресврт и победа на Финците по продолженија, но Швеѓаните се најдобро второпласирани, па и тие директно во четвртфиналето .
Хокеарите на Финска направија голем пресврт во третото коло од групата Ц на хокеарскиот турнир на Зимските олимписки игри против Шведска. По две третини губеа со 3:0, а потоа се вратија, стигнаа до продолженија и славеа со 4:3.
Сепак, Шведска нема премногу да жали за тој резултат, бидејќи со поразот во продолжението се најде пред Данска на второто место и со седум бода оди директно во четвртфиналето. Данска има шест, а Канада може да има најмногу шест во случај на победа во последното коло.
Ова беше директен дуел за првото место, а во случај на пораз Финците можеа да бидат на второто место, па очигледно продолжувањето е исход кој им одговараше и на двете селекции.
Откако немаше голови во првиот период, Швеѓаните поведоа и за првпат Финците се најдоа во подредена позиција на турнирот. Шведска одлично ја контролираше играта и постигна гол во три наврати.
Погодија Волмарк, Бенгтсон и Ландер и искористија дури пет исклучувања направени од Финците кои имаа проблеми со фрустрација и дисциплина на теренот.
Но, по пет и пол минути игра во третиот период играчот повеќе го искористи Хартикаинен, а потоа уште еднаш по 15 и пол минути Ииро Пакаринен. Истиот играч постигна гол за 3:3 на две и пол минути до крајот на регуларниот дел од натпреварот.
И двете со задоволство влегоа во продолжение, а таму за продолжување на серијата без пораз на Финска, погоди Хари Песонен по само две минути игра.
Финска и Шведска ќе имаат слободен ден со Русите и веројатно Американците, додека сите останати ќе бидат во осминафиналето и ќе ги бараат останатите четири четвртфинални места.
