Австрискиот мешан тим Катарина Хубер, Катарина Лиенсбергер, Катарина Трупе, Стефан Бренштајнер, Михаел Мат и Јоханес Штролц го освои златото во екипното натпреварување во алпско скијање на Зимските олимписки игри во Пекинг.
Австрија го освои златото во мешаната екипна паралелна дисциплина алпско скијање, победувајќи ја Германија во финалето, додека Микаела Шифрин ќе ги напушти Олимписките игри во Пекинг без медал, откако САД загубија од Норвешка во битка за третото место.
Трките за златниот и бронзениот медали ги решаваше комбинираното време , после 2:2 во победи.
Шифрин, која се натпреваруваше во сите пет индивидуални дисциплини, се надеваше дека ќе замине со барем еден медал од екипното натпреварување, но загуби три последователни трки бидејќи нејзиниот тим заврши на четвртото место.
Американката не успеа да заврши на три од нејзините пет индивидуални трки на Игрите – велеслалом, слалом и во комбинација – но рече дека ужива во екипната конкуренција.
„Не сум разочарана. Имав многу разочарувачки моменти на овие Игри, денес не е еден од нив. Денес е дури и мојот омилен спомен од Пекинг“, им рече таа на новинарите.
Екипното натпреварување во своето второ издание откако беше претставено во Пјонгчанг во 2018 година, беше поместено од саботата поради ветерот, а ветерот и понатаму беше силен денес , температурите под нулата, додека скијачите се собраа под ќебиња на целта.
Во полуфиналето Австрија ја победи Норвешка, додека Германија беше подобра од САД со 3:1.
ЗЛАТО: Австрија (Катарина Хубер, Катарина Лиенсбергер, Катарина Трупе, Стефан Бренштајнер, Мајкл Мет, Јоханес Евалд Штролц)
СРЕБРЕ: Германија (Ема Ајчер, Лена Дуер, Јулијан Раучфус, Александар Шмид, Линус Штрасер)
БРОНЗА: Норвешка (Мина Фурст Холтман, Теа Луиз Стјернесунд, Марија Тереза Твиберг, Тимон Хауган, Фабијан Вилкенс Солхајм, Расмус Виндингстад)
