Кристијано Роналдо е еден од најдобрите и најпопуларни фудбалери во светот, а на социјалните мрежи го следат неверојатни 404 милиони фанови и тие му носат милиони евра на секоја негова објава.

Британски „Сан“ пишува дека Португалецот има голем број лажни профили кои го следат, односно од 404 милиони, дури 92 милиони се лажни, а тоа значи дека Роналдо добива околу 465.000 евра само од нив по објава или месечно по неколку милиони.

И другите ѕвезди ги следат лажни профили, а Меси има 70 милиони такви фанови, кои му носат заработка од 344.000 евра по објава, додека на третата позиција е Нејмар со 34 милиони лажни фанови и заработка од 170.000 евра.