Тимот на Леброн Џејмс го победи тимот на Кевин Дурент со 163:160 во НБА Ол-стар натпреварот одигран во Кливленд.
За тимот на Леброн настапија Никола Јокиќ и Лука Дончиќ. Српскиот центар за 21 минута на паркетот постигна 10 поени, додека Словенецот го заврши натпреварот со осум поени. Но, Дончиќ беше воодушевен што го запозна Мајкл Џордан во Кливленд. Ниту Џордан не го криеше ентузијазмот бидејќи разговараше со Дончиќ. Видеото од нивната средба се споделува на социјалните мрежи.
“Беше неверојатно. Не знам како да го објаснам тој момент. Мајкл Џордан знае кој сум јас, го знае моето име, тоа е навистина нешто. Беше неверојатен момент”, изјави Дончиќ на прес-конференција по натпреварот на Ол-стар. .
