Тренерот на Мичиген Вулверинс, Џуван Хауард е суспендиран до крајот на сезоната поради удирање противнички играч.
Џуван Хауард е поранешен НБА центар и член на познатата петорка на NCAA Мичиген „Фаб фајв“, која поради сплет на околности не стана шампион.
Тој сега е во центарот на вниманието поради скандалозното однесување, бидејќи по натпреварот со Висконсин (Мичиген загуби со 77:63)го удри во глава помошникот тренер Џо Крабенхофт.
Како што пренесуваат американските медиуми, Хауард бил прилично лут што тренерот на Баџерс побарал тајм-аут во самиот финиш на натпреварот, кога веќе било решено прашањето на победникот.
Беа изречени некои остри зборови, а потоа и ударот на Хауард во главата на помошниот тренер Крабенхофт, поради што беше казнет со 40.000 долари и суспендиран до крајот на сезоната.
Тренерот на Висконсин Грег Гард беше казнет со 10.000 долари поради неспортско однесување на прес-конференција, но за него нема да има суспензија.
Хауард сеуште не се огласил.
