Извонредниот Педри синоќа изрежира неколку вонсериски потези на „Камп Ноу“ во победата на Барса над Билбао од 4:0, но убедливо најдобри беа „тунелот“ кој му го продаде на Балензиага во вториот дел, како и акцијата која ја започна за голот на Лук де Јонг.Фантастичниот играч за врска доби стоечки овации од присутните гледачи на „Камп Ноу“, а сето ова предизвика само дополнителни позитивни реакции од Чави кој го спореди Педри со Иниеста, а го стави над Де Брујне и Модриќ кога е фудбалскиот талент во прашање.
– „Тунелот“ е само еден детаљ од мечот, мене повеќе ме импресионира како ја разбира играта, како работи меѓу линии и како им бега зад грб на чуварите. Не сум видел талент како него.
– Кога е само талентот во прашање, нема играч како него. Не го велам ова за да го пофалам, бидејќи Педри е играч кој не сака пофалби. Има врвни играчи со различни карактеристики на негова позиција како Де Брујне и Модриќ, но нема играчи со талент како неговиот. Ме потсетува на Иниеста, со разлика на тоа што играа во различни времиња. Ако зборуваме само за чистиот талент, нема подобар играч од него во светот, – завршува Чави.
