Изненадувачки вести доаѓаат од Русија.Сепак, ФИФА би можела да ги врати руските фудбалери во баражот за Светското првенство во Катар, пренесуваат руските медиуми.
Како што се наведува, планот е плеј-офот меѓу Русија и Полска да се одложи за јуни, под претпоставка дека дотогаш ќе заврши руската инвазија на Украина.
ФИФА се обидува да најде решение за да може „зборнајата“ да учествува во баражот, пред да донесе конечна одлука.
Дека веста не е еднострана говори и тоа што е пласирана и во Полска, а се однесува на тоа дека натпреварот меѓу двете селекции е одложен, како што пишува на веб-страницата на ФИФА, не е откажан и дека се чека јуни и крајот на војната.
На 28 февруари, ФИФА и УЕФА ги суспендираа сите руски клубови и националниот тим од учество на меѓународни натпревари.
Доколку Русија повторно добие место во баражот, останува да се види каква ќе биде реакцијата на Полска, Шведска и Чешка, кои претходно во заедничка изјава порачаа дека немаат намера да играат против таа селекција.
Исто како Албанија, Швајцарија, Ирска , Англија …
