Екипата предводена од Јирген Клоп, Ливерпул со 2-0 го совлада Евертон во комшиското дерби, а стрелец на двата гола беше египетскиот напаѓач Мохамед Салах. Гостите уште во првото полувреме останаа со фудбалер помалку откако Ешли Јанг доби два жолти картони.

Ливерпул тргна офанзивно уште од самиот старт, но работата им беше олеснета во 37. минута кога Ешли Јанг доби втор жолт картон, Евертон остана со фудбалер помалку.

И покрај тоа што играа без еден фудбалер, Евертон одлично се бранеше. Конечно во 75. минута беше досуден пенал за Ливерпул кој го реализира Салах за водство од 1-0.

Во седмата минута од судиското продолжение, по една контра Нуњез несебично го проигра Салах кој даде уште еден гол за конечни 2-0.