Ракометната репрезентација во Букурешт ќе бие битка за потврда на пласманот во баражот за место на Светското првенство 2023 година. Убедливиот триумф во Скопје (30-22) и предноста од осум гола, убаво звучат но тоа мора да се заборави. Стратегот на нашиот национален тим предупредува дека Романците ќе се покажат во различно светло од дуелот во „Борис Трајковски“. Според Лазаров мора, ментално да се издржи првиот налет, противникот ќе има поддршка од трибините, ќе оди на „јуриш“.

„Ќе им укажам на моите ракометари – доколку го издржиме првиот налет од 15-20 минути, Романците ќе тргнат на „јуриш“. Ментално треба да го издржиме тој прв напад, и мислам дека ќе можеме да го исконтролираме цел натпревар“, вели Лазаров. 

 Романија е квалитетна репрезентација, изненадувања се можни, затоа мора да бидеме опрезни.

 Романците одредија натпреварот да се игра во 48 часа и дури го сменија градот домаќин. Имајќи предвид дека Динамо Букурешт има голема поддршка во Лигата на шампионите ќе имаат голема поддршка. Треба да бидеме максимално сериозни и концентрирани“, коментира Кире.

Од Букурешт доаѓа добра вест, и покрај напорниот меч, сите играчи кои се најдоа на списокот на Лазаров се чувствуваат добро. Свесен е дека дел од повозрасните се потрошија повеќе од очекувањата.

Натпреварот меѓу Романија и Македонија се игра утре со почеток во 17 часот по македонско време.