Украинскиот боксер Васил Ломаченко, ќе ја пропушти битката за шампионската титула во лесна категорија против Џорџ Камбосос на 5 јуни во Австралија, бидејќи во моментов е во Украина, каде што ја брани татковината од руските војници.

Ломаченко тренираше во еден православен манастир во Грција, во момент кога изби војната во Украина, по што реши да се врати назад и да им помогне на неговите сонародници.

Украинецот, освен од титулата, се откажа и од најголемата заработка во неговата кариера, па Камбосос му испрати порака преку социјалните мрежи:

„Ја почитувам твојата одлука и ја разбирам. Се молам за тебе и твојата држава. Се надевам дека ќе останеш безбеден и ќе се договориме за нова борба меѓу два вистински шампиони, откако ќе го избришам подот со Дејвин“, напиша Камбосос.