Алекандар Трајковски ја имаше една од најуавите ноќи во својот живот, затоа што на преполн „Ренцо Бербара“ ја стресе мрежата на големата Италија и ја одведе Македноија во финалниот бараж за пласман на СП во Катар.
Искусниот напаѓач вели дека сè уште не се свесни што се случи во четвртокот вечерта и е среќен на големата победа на актуелниот европски шампион.„Уште не сме свесни што направивме синоќа. Многу сум среќен затоа што го заслужуваме ова и ние и цела Македонија. Нема да застанеме тука. Верувавме во себе и тоа нè награди. Нè чека уште една борба до историски пласман на Светско првенство”, вели нашиот напаѓач.
Трајковски објасни како до доживеа одлучувачкиот момент на натпреварот.
„Очекував да има продолженија, но кога ја видов топката како доаѓа кон мене, со последни сили успеав да шутирам. Цел фокус го ставив на тој последен шут и едноставно како да беше судено дека постигнам гол на тој стадион каде што минав четири убави години“.
Поранешниот член на Палермо се осврна и на натпреварот со Португалија.
„Сега треба добро да се одмориме, а потоа да се подготвиме за Португалија. Играме против репрезентација со многу индивидуални квалитети, но спремни сме и веруваме дека можеме да истрчаме на терен и да докажеме дека можеме да се надигруваме и со нив. Знаеме дека ќе биде тешко, ама во фудбалот се прават чуда за кои никои не веруваат“, заврши Трајковски.
Македонија против Португалија ќе се сретне на „Драгао“ во Порто, в вторник со почеток од 20:45 часот.
