Македонскиот стопер Висар Муслиу одигра перфектен меч, буквално без грешка против италијанскиот напад во епската победа во Палермо, па сега во пресрет на завршната битка за мундијалската виза за Катар во Порто против Португалија посочи дека Македонија ќе даде сѐ за да напише – нова историја.

Муслиу според официјалниот статистички партнер на УЕФА беше втор во полуфиналињата според перформансот, се најде во тмот на колото, па сега во рпесрет на битката со Кристијано Роналдо и Португалците, потенцира дека ваква шанса за пласман на Светско првенство се пружа еднаш во животот.

„Поминаа емоциите, Италија е историја и сега наш цел фокус е само на Португалија. Вакво нешто можеби еднаш во живот се пружа како шанса и тоа значи дека ќе мора да се потрудиме, да дадеме сѐ од себе и да се обидеме да напишеме нова историја. Секој меч е различен од претходниот, ние знаеме што нѐ чека, а тоа е многу тежок меч со огромен притисок и за нас и за нив, ама…“, вели Муслиу.

Дефанзивецот на германски Инглштад посочува дека без оглед што Португалија е фаворит, а фаборит беше и Италија, тоа ништо не значи, зашто Македонија веќе покажа дека со секого има шанси,

„На хартија Португалија е фаворит, знаеме за каков квалитет станува збор, ама и Италија имаше квалитет, европски прваци се… Тоа ништо не значи, дека ние немаме шанси со нив“, додава Муслиу