CIES: Гвардиол е најскапиот играч во светот до 23 години

Во својот неделен извештај, Меѓународниот центар за спортски студии (CIES) ги објави проценетите трансфер вредности на 50 играчи до 23 години со највисока пазарна цена, а по него највреден е хрватскиот репрезентативец и првотимец на РБ Лајпциг Јошко Гвардиол со проценета трансферна вредност од 96,2 милиони евра.

Меѓународниот центар за спортски студии истакнува дека 20-годишниот Гвардиол се етаблираше како еден од најважните играчи на Хрватска и РБ Лајпциг и дека би можел да го собори рекордот кога е во прашање трансферот на еден дефанзивец.

Интересно, клупскиот колега на Гвардиол, офанзивниот играч за врска Доминик Шобошлаи е на второто место со проценета вредност на трансферот од 60,3 милиони евра, а трет е играчот на Барселона, Гави чиј проценет трансфер е 58,6 милиони евра.

CIES ја проценува вредноста на фудбалските трансфери од 2010 година, а нивниот научен труд неодамна беше објавен во списанието Economies и е достапен за сите заинтересирани кои сакаат да дознаат за методите и варијабилите на истражувачкиот тим на CIES, објави HNS.