Фарските Острови им откинаа два бода и на Ерменција која се спаси од пораз во судиското продолжение.  Натпреварот заврши 2-2, а тоа е одлична вест за Македонија.

Фарски Острови двапати водеа против Ерменија, која изедначуваше во самиот финиш од двете полувремиња. Ерменците беа пред пораз, но се спасија и останаа во игра за првото место.

Сепак се е во наши раце, само од Македонија зависи дали ќе завршиме на прво место во групата и ќе скокниме на нивото Б во Лигата на нации.

Нерешениот исход на мечот во Фарски Острови значи дека Македонија дури и со пораз од еден разлика од Ерменија ќе може да ја обезбеди првата позиција.

По три одиграни кола ние имаме седум освоени бода, Ерменија има четири, а ако на крајот двете селекции имаат идентичен број на бодови, одлучува меѓусебниот дуел. Ние мечот во Скопје го добивме со 2-0, дуелот во Ереван се игра во недела.

В недела се среќаваат Ерменија – Македонија и Фарски Острови – Летонија.