Денес ќе ги дознаеме групите за Мундијалот во Катар

Во Доха во 18 часот почнува ждрепката за групната фаза на Светското првенство кое ќе се одржи во Катар од 21 ноември до 18 декември!

Шешири

I: Катар, Бразил, Белгија, Франција, Аргентина, Англија, Шпанија, Португалија.

II: Германија, Холандија, Данска, Хрватска, Швајцарија, Уругвај, Мексико, САД.

III: СРБИЈА, Сенегал, Иран, Јапонија, Мароко, Полска, Јужна Кореја, Тунис.

IV: Канада, Камерун, Гана, Саудиска Арабија, Еквадор, Перу – Австралија / ОАЕ, Костарика – Нов Зеланд и Велс – Украина / Шкотска.

За популарната „божица“ во Катар ќе се борат вкупно 32 репрезентации, која ќе биде сместена во осум групи (А, Б, Ц, Д, Е, Ф, Г, Х). Учесниците на Светското првенство во ждрепката беа поделени во четири шешири врз основа на мартовската ранг листа на ФИФА.

За носители се назначени седумте најдобропласирани репрезентации заедно со домаќинот на Светското првенство, репрезентацијата на Катар.

Во иста група можат да бидат најмногу две репрезентации од Европа, а од која било друга квалификациска зона можно е само една селекција да биде во една група.

Се уште не се познати сите учесници на Мундијалот, бидејќи се уште не се завршени сите баражи. Познати се имињата на 29 учесници, а останаа уште три слободни места. Имено, Украина поради воената состојба побара бараж мечот со Шкотска да се одложи за јуни, а победникот од тој дуел да го игра финалето од баражот со Велс. Исто така, пандемијата на корона вирусот влијаеше и на одложување на интерконтиненталниот бараж, кој ќе се одржи во јуни. Во четвртиот шешир ќе се пласираат репрезентациите кои ќе изберат пласман на Светското првенство.