Ливерпул го совлада Милан со 3-2 во неверојатен натпревар на „Енфилд роуд“ кој ни ја прикажа целосната убавина на фудбалот. „Црвените“ поведоа со автоголот на Томори во 9. минута, а само пет минути подоцна можеа да ја удвојат предноста, но Салах не успеа да реализира пенал. Следеше „блиц-крик“ на „росонерите“ кои за само 2 минути преку Ребиќ и Дијаз успеаја да направат целосен пресврт и на пауза да заминат со водство од 1-2.
Во вториот дел Салах се извади за промашениот пенал со голот во 47. минута, додека конечните 3-2 ги постави Хендерсон во 69. минута.
Пари Сен Жермен и покрај триото Меси, Нејмар, Мбапе не успеа да слави на гостувањето кај Клуб Бриж и одигра само 1-1. Реал Мадрид го совлада Интер со 0-1, а Атлетико Мадрид одигра без голови против Порто.
Голеада видовме во Манчестер, каде Сити го совлада Лајпциг со 6: 3.
РЕЗУЛТАТИ 1. КОЛО:
Атлетико М. – Порто 0-0
Бриж – ПСЖ 1-1
Интер – Реал М. 0-1
Ливерпул – Милан 3-2
Манчестер С. – Лајпциг 6-3
Спортинг Л. – Ајакс 1-5
