Со резултат 1:1 заврши вчерашниот натпревар од 33. коло на италијанското фудбалско првенство помеѓу Јувентус и Болоња во Торино. Гостите од Болоња беа блиску до првата победа против Јувентус по 11 години, до петтата минута од продолжението водеа со 1:0, но потоа Влаховиќ успеа да спаси бод за домашните.
Болоња беше во водство од Арнаутовиќ во 52. минута, а гостите мирно ја одржуваа таа предност до 84. минута, кога во иста акција останаа без двајца играчи.
Со двајца играчи помалку Болоња одолеваше до петтата минута од продолжението, а потоа Влаховиќ сепак успеа да ја турне топката во голот и со тоа да му донесе барем бод на својот тим.
По натпреварот една сцена стана вирална на социјалните мрежи прикажувајќи една лудорија на Кјелини, но не е јасно за која минута се работи. На видеото се гледа како Дибала збунето го гледа Кјелини додека искусниот стопер на Јувентус прави необични гримаси гледајќи во него. Засега не е јасно за што се работи.