Поранешниот македонски репрезентативец Крсте Велкоски, кој после Еуро 2020 замина во репрезентативна пензија денеска го завери финалето на Сараево, предводено од Александар Васоски од клупата, со гол на „Грбавица“ против Игман во реванш полуфиналната средба, која заврши идентично како првиот меч 2-0.

Откако вториот Македонец, Даниел Аврамовски даде гол во победата со 2-0 во првиот меч за да се направи исчекор кон финалето, Велкоски сега со гол само го потврди тој пласман и Сараево ќе се бори за трофејот во Купот, што беше и главна цел на бившиот југословенски и босански првак за оваа сезона и на Васоски на клупата, откако шансите за титулата ги загубија уште есеноска.

Аврамовски поради повреда не играше ни денеска, откако го прескокна и мечот со новиот првак Зрињски во Мостар изминатиов викенд.

Велкоски, кој беш стартер на мечот, даде гол во 28-та минута од мечот за да ги разреши сите дилеми, ако воопшто постоеа за патникот во завршната битка за пехарот, па Варешановиќ во судиското надополнување стави печат за вкупните 4-0 во полуфиналето и сега во битката за трофејот извесно дека противник ќе им биде мостарски Вележ, кој од 16 часот го игра реваншот со Тузла сити, но има џиновски 4-0 од првиот меч.