Ангел ди Марија (34) го напушта ПСЖ на крајот од сезоната. Договорот на аргентинскиот напаѓач со францускиот клуб истекува на крајот на јуни и нема да биде продолжен. Италијанските медиуми пишуваат дека Ди Марија би можел да заврши во Јувентус, кој би можел да го доведе без обештетување. Јувентус планира да го освежи офанзивниот дел на тимот, особено откако стана јасно дека Пауло Дибала бесплатно ќе го напушти клубот.
Ди Марија е во ПСЖ од 2015 година, а пристигна од Манчестер Јунајтед. Аргентинецот во кариерата играше за Росарио, Бенфика и Реал Мадрид, а за Аргентина одигра 121 пат и постигна 24 гола. Според Transfermarkt, вреди 15 милиони евра. Оваа сезона на 26 натпревари постигна три гола и седум пати асистираше.
