(ВИДЕО) Бостон во полуфинале, Далас убедлив, Торонто повторно опстана!

Репторс повторно се соочија со елиминација, вторпат во последните три дена и уште еднаш преживеаа. Победија два меча по ред против фаворизираната Филаделфија и сега ја вратија серијата во Канада. Брејкот секако е неочекуван, но заслужен, синоќа Сијакам ги предводеше Канаѓаните со 23 поени и 10 скока, од друга страна Ембид беше ограничен поради повреда,заврши со 20 поени и 11 скока. Репторс ја контролираа играта, имаа двоцифрена предност во текот на вториот дел, немаше драма во финишот. Во четврток повторно сме во Торонто, ќе видиме дали Репторс ќе победат и трет пат по ред и да стигнат до прагот на чудо.

https://www.youtube.com/watch?v=vYbvZ-WilGc

Метла за Нетс во полуфиналето. Бруклин едноставно не можеше да им се спротивстави на Селтикси, Дурент го одигра најдобриот меч во серијата, 39 поени, 9 скока и 7 асистенции, но ни тоа не помогна . Да потсетиме, Селтикси на сред сезона беа под 50 %, но ја завршија сезоната со 31 -10 и сега делуваат незапирливи во плеј-офот. Нетси можеби ќе го добиеа овој четврти натпревар доколку не промашаа 12 слободни фрлања.

Далас ја совлада Јута и се пласираше во полуфиналето. Лука Дончиќ одигра симултанка со 33 поени, 13 скока, а Мавс во втората четвртина го држеа ривалот без поени шест минути и отидоа на +16. После не погледнаа назад.За Јута лошо одигра Донован Мичел , само девет поени (просечно имаше 30 во првите четири натпревари од серијата), ги промаши сите седум обиди за тројка, а потоа држејќи се за коленото отиде во соблекувалната во последната четвртина во која Далас имаше и +46. Ова е прв натпревар во серијата кој не беше неизвесен, а статистиката вели кој и да победи на петтиот меч има околу 80% шанси за победа во серијата. Јута мора да победи дома во четврток, да се врати во Далас за викенд и да направи пауза ако сака да се пласира во полуфиналето. Далас не бил таму од 2011 година кога ја освоија титулата.