Вилата на германскиот фудбалер Шкордан Мустафи била ограбена додека тој бил дома.

Крадците од куќата однеле работи вредни околу еден милион евра, а се работи за пари, часовници, накит, чанти .

Кога крадците слушнале дека Мустафи се разбудил, побегнале од куќата со вредните предмети што ги земале дотогаш.

Мустафи постојано ја покажува својата куќа и колекцијата на спортски автомобили на своите профили на социјалните мрежи, како и мотоциклот за кој бил инспириран гледајќи го Бетмен.

Тој не е единствениот фудбалер кој неодамна е ограбен.

Слична ситуација доживеа и Карим Бензема, а во Англија цел на грабежот беа куќите на Виктор Линделоф и Жоао Кансело.

Триесетгодишниот Мустафи дојде во Леванте од Шалке, а оваа сезона за шпанскиот тим одигра 11 натпревари и постигна еден гол.